Իսրայելական ռազմական ինքնաթիռները մի շարք հարվածներ են հասցրել Մուսայլիհ և Նաջարիա քաղաքների միջև ընկած տարածքում, որի հետևանքով զոհվել է մեկ և վիրավորվել մի քանի մարդ, հաղորդում է լիբանանյան «Ալ-Մայադին» հեռուստաալիքը։
«Մուսաիլիհի և Նաջարիայի միջև Իսրայելի վերջին ավիահարվածների հետևանքով մեկ մարդ զոհվել է, մի քանիսը՝ վիրավորվել», - հաղորդում է հեռուստաալիքը։
Հեռուստաալիքի տվյալներով՝ հարվածների թիրախում են եղել նաև շինարարական տեխնիկան (բուլդոզերներ և էքսկավատորներ):
Իսրայելական բանակը, իր հերթին, հայտարարել է, որ օդուժի հարվածները կենտրոնացած են եղել «Հեզբոլլահ»-ի ենթակառուցվածքների վրա, այդ թվում՝ շարժմանը պատկանող կառույցների վերականգնմանը մասնակցող ինժեներական սարքավորումների վրա։
