ԱՄՆ նախագահ Դոնալդ Թրամփը երաշխավորել է պաղեստինյան ՀԱՄԱՍ շարժմանը, որ Իսրայելը չի խախտի հրադադարը, ինչը համոզել է շարժմանը համաձայնության գալ հրեական պետության հետ և համաձայնվել հրադադարին, հաղորդում է Axios-ը՝ հղում անելով աղբյուրներին։
Ըստ պորտալի՝ ԱՄՆ նախագահը առնվազն երեք հեռախոսազանգ է կատարել տարբեր զրուցակիցների հետ՝ հայտնելու իր վստահությունը համաձայնագրի վերաբերյալ։ Ավելին, ըստ պորտալի, Թրամփի երաշխիքների մի մասը ներառում էր ԱՄՆ գլխավորած ռազմական աշխատանքային խմբի ստեղծումը՝ հրադադարի ռեժիմի մոնիթորինգի և այլ խախտումների դեմ պայքարի համար։
Անանուն ամերիկացի պաշտոնյայի խոսքով՝ այս մեխանիզմը «կամրապնդի վստահությունը երաշխիքների նկատմամբ, որ գործարքը կիրականացվի համաձայնեցված պայմաններին համապատասխան»։ Նախնական տվյալներով՝ այս աշխատանքային խմբին կմասնակցի մոտ 200 ամերիկացի զինվոր և սպա, որոնց կմիանան նաև Եգիպտոսի, Կատարի, Թուրքիայի և ԱՄԷ-ի զինծառայողներ։
Մեկ այլ ամերիկացի պաշտոնյա ասել է, որ Համասը ստորագրել է համաձայնագիրը, քանի որ պատանդները «դարձել են խոչընդոտ, այլ ոչ թե ակտիվ» իր ապագա բանակցային դիրքորոշման առումով։
