Գազայի հատվածում հրադադարի համաձայնագրի պայմաններն արդեն իսկ ուժի մեջ էին ԱՄՆ նախկին նախագահ Ջո Բայդենի օրոք՝ 2024 թվականի սեպտեմբերին, սակայն Իսրայելի վարչապետ Բենիամին Նեթանյահուն այդ ժամանակ մերժեց հրադադարը։ Այս մասին հաղորդում է բրիտանական The Times թերթը՝ հղում անելով անկախ իսրայելցի բանակցող Գերշոն Բասկինին։
«Այս գործարքը կարող էր կնքվել շատ ավելի վաղ։ Համասը նույն պայմաններին համաձայնվեց 2024 թվականի սեպտեմբերին։ Սակայն այդ ժամանակ իսրայելցի բանակցողները պատասխանեցին, որ «վարչապետը (Բենյամին Նեթանյահուն - ՏԱՍՍ-ի նշում) չի համաձայնել պատերազմը դադարեցնելուն»», - ասել է Բասկինը։
Նրա խոսքով՝ Բայդենի վարչակազմը նույնպես լուրջ չի ընդունել առաջարկվող գործարքը։ Բասկինը հետագայում իմացել է, որ իսրայելական կողմը որևէ ծրագիր չունի կնքելու համաձայնագիրը մինչև ԱՄՆ նախագահական անցումը։
