Լիբանանի ուղղափառ եկեղեցու պատգամավոր Ադիբ Աբդել Միսիհը դեմ է արտահայտվել շիա «Հեզբոլլահ» աշխարհազորային խմբավորմանը պատկանող ստորգետնյա բունկերների և թունելների ոչնչացմանը՝ որպես կառավարության կողմից հաստատված անօրինական կիսառազմական խմբավորմանը զինաթափելու ծրագրի մաս:
X-ի իր էջում նա հայտարարել է, որ իշխանություններին առաջարկել է դրանք օգտագործել որպես տնտեսական և զբոսաշրջային տեսարժան վայրեր։«Անհրաժեշտ չէ պայթեցնել ստորգետնյա ապաստարաններն ու պահեստները։
Զինամթերքի արկղերի փոխարեն թող գինու տակառներ այնտեղ պահվեն։ Այս արժեքավոր վայրերը, որոնք մի ժամանակ Իսրայելի օդային հարվածների թիրախ էին, կարող են վերածվել գինու մառանների և դառնալ շահութաբեր զբոսաշրջային վայրեր», – ասել է նա։Պատգամավորը համոզված է, որ իր նախագիծը կնպաստի Լիբանանի գինու արդյունաբերության նոր աճին, որտեղ ներկայումս կան ավելի քան 20 խոշոր արտադրողներ, որոնք իրենց արտադրանքը մատակարարում են ամբողջ աշխարհում։
