ԱՄՆ նախագահ Դոնալդ Թրամփը հայտարարել է, որ հույս ունի այցելել Մերձավոր Արևելք հոկտեմբերի 13-ին կամ 14-ին, երբ նախատեսվում է իսրայելցի պատանդների ազատ արձակումը Գազայի հատվածից։
«Կարծում եմ՝ պատանդները կվերադարձվեն երկուշաբթի կամ երեքշաբթի։ Ես, հավանաբար, այնտեղ կլինեմ։ Մենք պլանավորում ենք այնտեղ գնալ կիրակի օրը, և ես անհամբեր սպասում եմ դրան», - ասել է նա Սպիտակ տանը լրագրողներին։
Ավելի վաղ Իսրայելի վարչապետ Բենիամին Նեթանյահուի գրասենյակը հայտարարել էր, որ Գազայի հատվածում արմատականների կողմից պահվող պատանդները կվերադարձվեն Իսրայելին հոկտեմբերի 13-ին կամ 14-ին, և որ իսրայելական կողմը կազատ արձակի 250 դատապարտված պաղեստինցիների և պաղեստինյան անկլավի 1700 բնակիչների, որոնք ձերբակալվել են 2023 թվականի հոկտեմբերի 7-ից հետո։
