Ուկրաինայի վարչապետ Յուլիա Սվիրիդենկոյի, նրա աշխատակազմի ղեկավար Անդրեյ Երմակի և պատժամիջոցների քաղաքականության հարցերով հանձնակատար Վլադիսլավ Վլասյուկի գլխավորած պատվիրակությունը հաջորդ շաբաթվա սկզբին կմեկնի Միացյալ Նահանգներ։ Այս մասին հայտարարել է Ուկրաինայի նախագահ Վլադիմիր Զելենսկին։
«ԱՄՆ-ի հետ համագործակցությունը շարունակվում է։ Վարչապետ Սվիրիդենկոյի գլխավորած թիմը՝ գրասենյակի ղեկավար Երմակի և պատժամիջոցների քաղաքականության հարցերով իմ հանձնակատար Վլասյուկի հետ միասին, հաջորդ շաբաթվա սկզբին կլինի ԱՄՆ-ում», - Զելենսկու խոսքերն է մեջբերում ՌԲԿ-Ուկրաինան։
Նրա խոսքով՝ քննարկման համար նախատեսված հիմնական թեմաների թվում են օդային պաշտպանությունը, էներգետիկան և «բանակցային ուղին»։
Սեպտեմբերի 29-ին Երմակը հայտարարեց, որ Ուկրաինան ցանկանում է մի շարք համաձայնագրեր ստորագրել Միացյալ Նահանգների հետ, այդ թվում՝ Կիևին ամերիկյան զենք մատակարարելու, ազատ առևտրի և անվտանգության երաշխիքների վերաբերյալ։
