Կրեմլը լավատեսորեն է տրամադրված Ռուսաստանի նախագահ Վլադիմիր Պուտինի և Ադրբեջանի նախագահ Իլհամ Ալիևի հանդիպման նախօրեին, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Մենք այժմ քննարկում ենք Պուտինի Տաջիկստան կատարելիք պետական այցը։ Մենք ունենք շատ ընդարձակ օրակարգ։ Առանձին, իհարկե, խոսվում է ռուս-ադրբեջանական հարաբերությունների մասին», - ասել է նա։
Պեսկովի խոսքով՝ Պուտինի և Ալիևի միջև հոկտեմբերի 7-ին տեղի ունեցած հեռախոսազրույցը «լավ, դրական և կառուցողական» էր։ Այս զրույցի ընթացքում նախագահները համաձայնության են եկել առաջիկա հանդիպման վերաբերյալ, պարզաբանել է մամուլի քարտուղարը։
