Եվրամիությունը կանի ամեն ինչ՝ ԱՄՆ նախագահ Դոնալդ Թրամփի՝ Գազայի հատվածում հակամարտության կարգավորման ծրագիրը կյանքի կոչելու համար, հայտարարել է Եվրամիության արտաքին գործերի նախարար Կայա Կալլասը։
«ԵՄ-ն կանի ամեն ինչ՝ դրա իրականացումն ապահովելու համար», - գրել է նա X-ում։
Կալասն ասել է, որ համաձայնագիրը «նշանակալի առաջընթաց» է և կարող է ներկայացնել «իրական հնարավորություն՝ այս ավերիչ պատերազմը դադարեցնելու և բոլոր պատանդներին ազատ արձակելու համար»։
Ավելի վաղ Թրամփը հայտարարել էր, որ Իսրայելի և արմատական պաղեստինյան ՀԱՄԱՍ շարժման ներկայացուցիչները Եգիպտոսում կայացած բանակցություններից հետո համաձայնության են եկել խաղաղության ծրագրի առաջին փուլի վերաբերյալ։
Նրա խոսքով՝ այս փուլը ենթադրում է բոլոր պատանդների «հնարավորինս շուտ» ազատ արձակում և իսրայելական զորքերի դուրսբերում Գազայի հատվածի ներսում համաձայնեցված գծի մոտ։ Թրամփը կարծում է, որ առաջին քայլերն արդեն ձեռնարկվել են «երկարատև, անվտանգ և երկարատև խաղաղության ուղղությամբ»։
