Դանիայի իշխանությունները պլանավորում են արգելել սոցիալական ցանցերի օգտագործումը 15 տարեկանից փոքր երեխաների համար, հաղորդում է AFP-ն։
Վարչապետ Մետտե Ֆրեդերիկսենը նախաձեռնության մասին հայտարարել է խորհրդարանում ունեցած ելույթի ժամանակ։ Նա չի մանրամասնել, թե որ սոցիալական ցանցերի հարթակներն են արգելվելու։
«Բջջային հեռախոսներն ու սոցիալական ցանցերը խլում են մեր երեխաների մանկությունը», - ասել է Ֆրեդերիկսենը։
Նա ասել է, որ վիճակագրությունը ցույց է տալիս խնդրի լրջությունը. երկրում 11-ից 19 տարեկան տղաների 60%-ը նախընտրում է ժամանակ անցկացնել տանը, քան ընկերների հետ հանդիպել։
Առաջարկվող կանոնակարգերի համաձայն՝ 13 տարեկան և բարձր երեխաները կկարողանան օգտվել սոցիալական ցանցերից, բայց միայն ծնողների թույլտվությամբ։
Սեպտեմբերին Ֆրանսիայի խորհրդարանի համապատասխան հանձնաժողովը եզրակացրել է, որ 15 տարեկանից փոքր երեխաներին պետք է արգելվի օգտվել սոցիալական ցանցերից։ Այս միջոցառումները անհրաժեշտ են երեխաների անվտանգության համար՝ սոցիալական ցանցերում ինքնավնասման և ծայրահեղական բովանդակության տարածման ֆոնին, հաղորդում է հրատարակությունը։
Թարգմանությունը՝ Euromedia24.com-ի
