Իսրայելի ռազմաօդային ուժերի անօդաչու թռչող սարքերը հարվածներ են հասցրել Լիբանանի հարավում գտնվող Դեյր Ամես և Յաթեր բնակավայրերի թիրախներին, որի հետևանքով զոհվել է երկու և վիրավորվել մեկը, ՌԻԱ Նովոստիին հայտնել է Լիբանանի շտապօգնության ծառայության աղբյուրը։
«Առաջին հարձակումը տեղի է ունեցել այսօր առավոտյան։ Թշնամու անօդաչու թռչող սարքը հարվածել է Դեյր Ամեսում գտնվող մեքենային, որի հետևանքով զոհվել է մեկ մարդ», - ասել է գործակալության աղբյուրը։
Աղբյուրի փոխանցմամբ՝ Յաթեր բնակավայրում իսրայելական անօդաչու թռչող սարքը հրթիռ է արձակել աշխատանքային մեքենայի (բուլդոզերի) ուղղությամբ, որի հետևանքով զոհվել է վարորդը և վիրավորվել բանվոր, որը Սիրիայի քաղաքացի է։
