Իսրայելցի պատանդների ազատ արձակումը պաղեստինյան Գազայի հատվածից կնշանավորի այդ տարածքում պատերազմի ավարտը, երեքշաբթի օրը մամուլի ասուլիսի ժամանակ հայտարարել է Կատարի արտաքին գործերի նախարարության խոսնակ Մաջիդ ալ-Անսարին։
«Գոյություն ունի ուղիղ կապ իսրայելցի պատանդների ազատ արձակման և ռազմական գործողությունների լիակատար դադարեցման միջև։ Մենք բոլորս՝ և՛ Կատարը, և՛ ամերիկյան կողմը, հավատարիմ ենք ձեռք բերված համաձայնությանը, որ իսրայելցի պատանդների ազատ արձակումը կնշանակի Գազայի հատվածում պատերազմի ավարտ», - ասել է նա։
Ալ-Անսարին նշել է, որ Համասի և Իսրայելի պատվիրակության միջև Գազայի հատվածում հրադադարի վերաբերյալ անուղղակի բանակցությունները, որոնք սկսվել էին երկուշաբթի օրը Եգիպտոսի Շարմ էլ Շեյխ քաղաքում, առաջին օրը տևել են չորս ժամ, քանի որ նախագահ Դոնալդ Թրամփի առաջարկած Գազայի հատվածում հրադադարի վերաբերյալ առաջարկի բոլոր 20 կետերը պահանջում են պարզաբանում և մանրամասն մշակում:
