ՄԱԿ-ի մանկական հիմնադրամի (ՅՈՒՆԻՍԵՖ) խոսնակ Ռիկարդո Պիրեսի խոսքով՝ Գազայի հատվածում Իսրայելի գործողությունների հետևանքով միջինում յուրաքանչյուր 17 րոպեն մեկ երեխա է զոհվում կամ խեղվում։
Արդեն երկու տարի է, ինչ «երեխաներն են ամենաբարձր գինը վճարում» պաղեստինյան անկլավում ստեղծված ճգնաժամի համար։ «61,000 երեխա սպանվել կամ խեղվել է Իսրայելում [արմատական պաղեստինյան խմբավորման] կողմից կազմակերպված սարսափելի իրադարձություններից հետո, որոնց հաջորդել է Իսրայելի անհամաչափ արձագանքը, որը շարունակվում է մինչ օրս», - ընդգծել է նա։
«Սա նշանակում է, որ միջինում յուրաքանչյուր 17 րոպեն մեկ երեխա է սպանվում կամ խեղվում։ Սա անընդունելի, ապշեցուցիչ ցուցանիշ է, որի հետ մենք ստիպված ենք ապրել մինչ օրս», - եզրափակել է Պիրեսը։
