ԱՄՆ-ն Ուկրաինային կտրամադրի նոր հետախուզական տվյալներ՝ Ռուսաստանի տարածքում ավելի հեռահար հարվածներ իրականացնելու համար, հայտնում է Financial Times-ը (FT):
Հրատարակության աղբյուրների համաձայն՝ Վաշինգտոնը հետախուզական աջակցություն է ցուցաբերում Կիևին։ Թերթը պնդում է, որ ԱՄՆ-ն այժմ Ուկրաինային կտրամադրի նոր հետախուզական տվյալներ, որոնք թույլ կտան նրան հեռահար հրթիռներով և անօդաչու թռչող սարքերով հարվածներ հասցնել Ռուսաստանի էներգետիկ ենթակառուցվածքներին։
Հրատարակության տվյալներով՝ ԱՄՆ նախագահ Դոնալդ Թրամփի որոշ խորհրդականներ համոզված չեն, որ «Տոմահավկ» թևավոր հրթիռները զգալիորեն կփոխեն ուժերի հավասարակշռությունը շփման գծում։
«Ես չեմ կարծում, որ «Տոմահավկ»-ների սահմանափակ քանակը կամ Ռուսաստանի խորքում պարբերաբար հարվածները կփոխեն Ռուսաստանի նախագահ Վլադիմիր Պուտինի միտքը», - ասել է ամերիկացի պաշտոնյաներից մեկը։
