Պակիստանի վարչապետ Շահբազ Շարիֆը դատապարտել է Իսրայելի կողմից «Սումուդ» նավատորմի ակտիվիստների ձերբակալությունը, որը մարդասիրական օգնություն էր տեղափոխում պաղեստինցիների համար՝ Գազայի հատվածի ափեր ուղևորվելով։
«Պակիստանը խստորեն դատապարտում է Իսրայելի անվտանգության ուժերի հարձակումը «Սումուդ» նավատորմի նավերի վրա, որոնցում գտնվում էին 44 երկրներից ավելի քան 450 ակտիվիստներ: Մենք աղոթում ենք նրանց անվտանգության համար և կոչ ենք անում անհապաղ ազատ արձակել բոլոր անօրինական ձերբակալվածներին», - իր սոցիալական ցանցերի էջում գրել է Իսլամական Հանրապետության կառավարության ղեկավարը:
Շարիֆը հավելել է, որ ակտիվիստների կողմից Գազայի հատվածի բնակչությանը տրամադրվող մարդասիրական օգնությունը պետք է հասնի իր նշանակման վայրին։
Պակիստանի արտաքին գործերի նախարարությունը «Սումուդ» նավատորմի վրա ակտիվիստների ձերբակալությունը միջազգային իրավունքի կոպիտ խախտում է անվանել։
