Կոպենհագենում Եվրոպական քաղաքական համայնքի գագաթնաժողովի շրջանակներում Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը համաձայնել են շարունակել երկու երկրների միջև խաղաղության ամրապնդմանն ուղղված ջանքերը, հայտնում է ՀՀ կառավարության մամուլի ծառայությունը։
«Կողմերը ընդգծեցին ԱՄՆ նախագահ Դոնալդ Թրամփի նախաձեռնությամբ Վաշինգտոնում կայացած Խաղաղության գագաթնաժողովում ձեռք բերված պայմանավորվածությունների կարևորությունը։
Նրանք վերահաստատեցին իրենց հանձնառությունը շարունակել ջանքերը՝ ուղղված Հայաստանի և Ադրբեջանի միջև խաղաղության հետագա ամրապնդմանը», - ասվում է մամուլի հաղորդագրության մեջ։
