ՄԱԿ-ի խաղաղապահ ուժերի տեղակայումը Ուկրաինայի և Գազայի հատվածի հակամարտության գոտիներում քիչ հավանական է, Նյու Դելիում կայացած մամուլի ասուլիսում հայտարարել է Հնդկաստանի պաշտպանության միջազգային համագործակցության գծով փոխնախարար Վիշվեշ Նեգին։
«Նման զորքերի տեղակայումը Ուկրաինայում և Գազայի հատվածում չափազանց անհավանական է՝ հաշվի առնելով ՄԱԿ-ի Անվտանգության խորհրդի կազմը», - Նեգիի խոսքերն է մեջբերում The Times of India-ն։
Նեգին ընդգծել է, որ ՄԱԿ-ի խաղաղապահ ուժերի կազմում գտնվող հնդկական ռազմական կոնտինգենտը հակամարտության գոտիներում տեղակայվում է միայն ՄԱԿ-ի մանդատի և ՄԱԿ-ի Անվտանգության խորհրդի համաձայնության ներքո։
Հնդկաստանի զինված ուժերի պաշտպանության շտաբի պետի տեղակալ, գեներալ-լեյտենանտ Ռակեշ Կապուրը մամուլի ասուլիսում ասել է, որ վերջին 75 տարիների ընթացքում գրեթե 300,000 հնդիկ զինծառայողներ մասնակցել են ՄԱԿ-ի 50 խաղաղապահ առաքելությունների:
