ԱՄՆ-ը և Բրազիլիան աշխատում են նախագահներ Դոնալդ Թրամփի և Լուիս Ինասիու Լուլա դա Սիլվայի միջև հանդիպում կազմակերպելու ուղղությամբ, որը կարող է տեղի ունենալ Մալայզիայում հոկտեմբերին, հաղորդում է Bloomberg-ը՝ հղում անելով իր աղբյուրներին։
Նրանց աղբյուրների փոխանցմամբ՝ առաջնորդների բանակցությունները, ամենայն հավանականությամբ, տեղի կունենան երրորդ երկրում։
Նշվում է, որ Բրազիլիայի ղեկավարությունը կնախընտրեր, որ հանդիպումը տեղի ունենար չեզոք վայրում, այլ ոչ թե Վաշինգտոնում կամ Բրազիլիայում։Bloomberg-ի աղբյուրների փոխանցմամբ՝ Բրազիլիայի ղեկավարությունը Հարավարևելյան Ասիայի պետությունների ասոցիացիայի (ԱՍԵԱՆ) առաջիկա գագաթնաժողովը համարում է նախագահների հանդիպման իդեալական վայր։
Սպիտակ տունը Bloomberg-ին հաստատել է, որ բանակցություններ են ընթանում Բրազիլիայի և Միացյալ Նահանգների նախագահների միջև անձնական հանդիպում կազմակերպելու ուղղությամբ։
