Պաղեստինյան ՀԱՄԱՍ շարժումը, հավանաբար, չի կարողանա համաձայնվել ԱՄՆ նախագահ Դոնալդ Թրամփի՝ Գազայի հատվածում խաղաղ կարգավորման ծրագրի հետ, քանի որ մերժում է ամերիկացի առաջնորդի առաջարկներից առնվազն երկու կետ, հայտարարել է արմատական շարժման ներկայացուցիչը։
«Թրամփի ծրագիրը ծառայում է Իսրայելի շահերին և անտեսում է պաղեստինցի ժողովրդի կարիքները», - ասել է ՀԱՄԱՍ-ի խոսնակը, որի խոսքերը մեջբերել է հորդանանյան «Ռոյա Նյուզ» լրատվական պորտալը։
Նա կարծում է, որ ՀԱՄԱՍ-ը չի համաձայնի Թրամփի կողմից առաջ քաշված առնվազն երկու կետի՝ առաջինը՝ ՀԱՄԱՍ-ի աշխարհազորայինների զինաթափումը և, երկրորդ՝ պաղեստինյան անկլավում օտարերկրյա զորքեր տեղակայելու առաջարկը։
ՀԱՄԱՍ-ի խոսնակի խոսքով՝ շարժումը «օտարերկրյա զորքերի մուտքը Գազայի հատված դիտարկում է որպես Գազայի օկուպացիայի նոր ձև»։
