Եվրոպական վերազինման արագացումը կլինի Կոպենհագենում կայանալիք ԵՄ ոչ պաշտոնական գագաթնաժողովի հիմնական թեմաներից մեկը, ասվում է Դանիայի վարչապետ Մետտե Ֆրեդերիկսենի հայտարարության մեջ։
«Կարևոր է, որ Եվրոպան ավելի մեծ պատասխանատվություն ստանձնի իր անվտանգության համար։ Եվրոպան պետք է կարողանա պաշտպանվել։ Սա պահանջում է ուժ, քաղաքական կամք և համագործակցություն ԵՄ-ի շրջանակներում», - նշել է նա՝ շարունակելով, որ «սա պահանջում է», որ ԵՄ երկրները «խոսքից անցնեն գործի և մեծացնեն Ուկրաինային տրվող ռազմական և ֆինանսական աջակցությունը»։
«Իմ նպատակն այսօր ևս մեկ քայլ անելն է ճիշտ ուղղությամբ և ցույց տալը Եվրոպայի պատրաստակամությունը պաշտպանելու մեր ընդհանուր անվտանգությունը», - ասել է Ֆրեդերիկսենը։
Բրիտանական Financial Times թերթին տված մեկնաբանության մեջ վարչապետը, որոշ եվրոպական երկրներում անօդաչու թռչող սարքերի միջադեպերի ֆոնին, ասել է, որ Եվրոպան բախվում է Երկրորդ համաշխարհային պատերազմի ավարտից ի վեր չտեսնված դժվարությունների։
