American Airlines ավիաընկերության աշխատակիցները առանց տոմսի ուղևորի դիակ են հայտնաբերել օդանավի շասսիի հատվածում, որը ժամանել էր ԱՄՆ Հյուսիսային Կարոլինա նահանգի Շարլոտ քաղաքի օդանավակայան։
Այս մասին հայտնում է CBS-ը, հղում տալով տեղի իրավապահ մարմիններին։
Համաձայն հաղորդման օդանավը Շարլոտի օդանավակայան էր ժամանել Եվրոպայից։ Թե կոնկրետ որ երկրից, չի մանրամասնվել։ American Airlines-ի ներկայացուցիչը պատմել է հեռուստատեսությանը, որ իրավապահները ներկայումս գտնվում են դեպքի վայրում եւ իրականացվում է քննություն։
