Մի քանի երկրներ կարող են նվազեցնել իրենց մասնակցությունը ՄԱԿ-ի Կլիմայի փոփոխության մասին շրջանակային կոնվենցիայի կողմերի համաժողովին (COP 30) կամ ընդհանրապես բաց թողնել այն՝ Բրազիլիայի Բելեմ քաղաքում բնակարանների պակասի և բարձր գների պատճառով, հաղորդում է Bloomberg-ը։
Ֆորումի կազմակերպիչներն այժմ փորձում են ապահովել որքան հնարավոր է շատ կացարաններ տասնյակ հազարավոր հյուրերի համար։ Սակայն քաղաքում տեղերը քիչ են, ուստի իշխանությունները ստիպված են սենյակներ ամրագրել հյուրանոցներում և զբոսանավերում։
Ավելի քան 40 հրավիրված երկրներից բաղկացած խմբի խոսնակ Էվանս Նջևայի խոսքով՝ նրանց «զգալի մասը» «կարող է ընդհանրապես բաց թողնել համաժողովը կամ գալ Բրազիլիա ընդամենը մի քանի օրով»։
Նիդեռլանդների կլիմայական քաղաքականության և կանաչ աճի նախարար Սոֆի Հերմանսը հայտարարել է, որ իր պատվիրակությունը կլինի ավելի փոքր, քան նախորդ տարի։ Հերմանսը բացատրել է, որ Նիդեռլանդների կառավարությունը «պետք է մտածի ծախսերի մասին», չնայած էներգետիկայի և կլիմայական հարցերի կարևորությանը։
