Նորվեգիայի հյուսիսում գտնվող Բարդուֆոս օդանավակայանը փակվել է ժամանող և վայրէջք կատարող չվերթների համար՝ տարածքում նկատված անօդաչու թռչող սարքերի պատճառով, և մեկ չվերթ վերահասցեագրվել է, հաղորդում է NRK-ը՝ հղում անելով Norwegian Airlines-ի մամուլի խոսնակ Էյվինդ Համմեր Միհրեին։
Միհրի խոսքով՝ Օսլոյից Բարդուֆոս ուղևորվող ինքնաթիռը ստիպված է եղել շրջվել անօդաչու թռչող սարքերը նկատելուց հետո: «Ավիաընկերությանը տեղեկացրել են, որ օդանավակայանը փակ է այս պատճառով»,-նշվում է NRK-ի հաղորդագրության մեջ։
Նորվեգիայի պետական օդանավակայանների օպերատոր «Ավինոր»-ի մամուլի խոսնակ Քերոլայն Պեդերսենը նույնպես հաստատել է հեռարձակողին, որ օդանավակայանի մոտակայքում թռիչքների արգելված գոտում նկատվել են առարկաներ, որոնք կարող էին անօդաչու թռչող սարքեր լինել:
