Միացյալ Նահանգները հոկտեմբերի 1-ից դեղագործական արտադրանքի վրա կսահմանի 100% մաքսատուրք։ Այս մասին նախագահ Դոնալդ Թրամփը հայտարարել է սեպտեմբերի 25-ին Truth Social-ում։
Պետության ղեկավարի խոսքով՝ Վաշինգտոնը հոկտեմբերի 1-ից սկսած 100% մաքսատուրք կսահմանի բոլոր ապրանքանիշային կամ արտոնագրված դեղագործական արտադրանքի վրա։ Թրամփը հավելել է, որ բացառություններ կկատարվեն այն արտադրողների համար, որոնք արդեն սկսել են իրենց գործարանների շինարարությունը Միացյալ Նահանգներում։
Մայիսի 12-ին նախագահը ստորագրել է գործադիր հրամանագիր, որով Միացյալ Նահանգներում դեղերի գները նվազեցվել են 59-90%-ով։Մամուլի ասուլիսում նա հայտարարել է, որ մաքսատուրքեր կսահմանի ներմուծվող դեղագործական ապրանքների վրա, եթե երկրում գները չհամապատասխանեն այլ երկրների գներին։
