Իրանի արտաքին գործերի նախարարության խոսնակ Էսմայիլ Բաղային հայտարարել է, որ Վաշինգտոնի ցանկությունը՝ վերսկսել բանակցությունները Թեհրանի հետ՝ իրանական միջուկային ծրագրի շուրջ ստեղծված ճգնաժամը լուծելու համար, թվում է անկեղծ և աբսուրդային։
«Միացյալ Նահանգների դիվանագիտության պատրաստակամության մասին պնդումը պարզապես անկեղծ չէ և աբսուրդային է։ Դուք չեք կարող ռմբակոծել մի երկիր դիվանագիտական բանակցությունների ընթացքում և խաղաղություն առաջարկել», - գրել է նա X-ում։
Ավելի վաղ Մերձավոր Արևելքի հարցերով ԱՄՆ նախագահի հատուկ դեսպանորդ Սթիվեն Ուիթկոֆը հայտարարել էր, որ Վաշինգտոնը ցանկանում է շարունակել բանակցությունները Թեհրանի հետ Իսլամական Հանրապետության միջուկային ծրագրի շուրջ՝ խուսափելու համար ԵՄ3-ի կողմից Իրանի դեմ ՄԱԿ-ի Անվտանգության խորհրդի պատժամիջոցները վերականգնելու Snapback մեխանիզմի ակտիվացումից։
Օգոստոսի 28-ին Մեծ Բրիտանիան, Գերմանիան և Ֆրանսիան նախաձեռնեցին Իրանի դեմ ՄԱԿ-ի Անվտանգության խորհրդի կողմից սահմանված պատժամիջոցները վերականգնելու մեխանիզմի գործարկումը։
