Վրաստանի խորհրդարանի խոսնակ Շալվա Պապուաշվիլին, ի պատասխան Վլադիմիր Զելենսկու քննադատության, խորհուրդ է տվել նրան ընտրություններ անցկացնել Ուկրաինայում և շնորհակալ լինել նրանց, ովքեր օգնում են իր երկրին։
Նախորդ օրը Զելենսկին, ելույթ ունենալով ՄԱԿ-ի Գլխավոր ասամբլեայում, հայտարարել էր, որ Եվրոպան կորցնում է Վրաստանը։ Նա նաև նշել էր, որ Վրաստանում մարդու իրավունքների վիճակը վատթարանում է։
«Ես երկու խորհուրդ ունեմ Զելենսկիին: Առաջինը՝ ուշադրություն դարձնել ԱՄՆ նախագահի խորհրդին և անցկացնել ընտրություններ: Վրաց ժողովրդին պատճառվող վնասի համար, որը մենք տեսնում ենք, ժամանակին կպատասխանի ուկրաինացի ժողովուրդը. թող ընտրություններ անցկացնեն։ Եվ երկրորդ՝ թող լսեն ԱՄՆ փոխնախագահի խորհրդին և երախտապարտ լինեն։ Անշնորհակալությունը, հատկապես, երբ երկիրը պատերազմի մեջ է, շատ վատ է», - լրագրողներին ասել է Պապուաշվիլին։
Նա նշել է, որ Զելենսկին մեծ անշնորհակալություն է ցուցաբերում վրացական իշխանությունների նկատմամբ, որոնք ամեն կերպ օգնում են ուկրաինացի ժողովրդին։ Այն փաստը, որ նա իր ելույթի մի մասն անցկացրել է Վրաստանի մասին խոսելով, «վերջնական արդյունքում ցույց է տալիս, թե որքան վնասակար են որոշ մարդկանց մտադրությունները Վրաստանի նկատմամբ», - հայտարարել էՊապուաշվիլին։
