ՄԱԿ-ի Գլխավոր ասամբլեայի շրջանակներում Գազայի վերաբերյալ բազմակողմանի համաժողովի մասնակիցները նշել են Գազայի վերակառուցման համապարփակ ծրագիր մշակելու անհրաժեշտությունը, որը ներառում է տարածաշրջանի անվտանգության միջոցառումներ, ասվում է համաժողովի ավարտից հետո տարածված հայտարարության մեջ։
ՄԱԿ-ի Գլխավոր ասամբլեայի 80-րդ նստաշրջանի բարձր մակարդակի շաբաթվա շրջանակներում կազմակերպության կենտրոնակայանում տեղի է ունեցել բազմակողմ համաժողով՝ Իսլամական համագործակցության կազմակերպության (ԻՀԿ) ութ անդամ պետությունների, այդ թվում՝ ԱՄՆ-ի և Թուրքիայի մասնակցությամբ։
«Մասնակիցները շեշտել են Գազայի վերակառուցման համապարփակ ծրագրի անհրաժեշտությունը՝ հիմնված Արաբական լիգայի և Իսլամական համագործակցության կազմակերպության (ԻՀԿ) ծրագրի վրա, ինչպես նաև անվտանգության միջոցառումների, պաղեստինյան ղեկավարությանը միջազգային օգնությամբ աջակցելու անհրաժեշտության և համատեղ աշխատելու հանձնառության վրա», - ասվում է հայտարարության մեջ, որի տեքստը հրապարակել է Թուրքիայի արտաքին գործերի նախարարությունը։
Առաջնորդները նաև ընդգծել են պատերազմը դադարեցնելու և անհապաղ հրադադարի հասնելու անհրաժեշտությունը, որը կապահովի պատանդների ազատ արձակումը, մարդասիրական օգնության մատակարարումը և կլինի արդար և տևական խաղաղության առաջին քայլը։
