«Մանչեսթեր Սիթիի» դարպասապահ Ջանլուիջի Դոնարուման 2024/25 մրցաշրջանի արդյունքներով արժանացել է Լև Յաշինի անվան մրցանակին՝ ճանաչվելով աշխարհի լավագույն դարպասապահ: Նախորդ մրցաշրջանում նա հանդես էր գալիս ՊՍԺ-ի կազմում: Այս մասին գրում է ArmSport.am-ը։
Իտալացի դարպասապահը մրցանակը ստացել է երկրորդ անգամ իր կարիերայում. նա առաջին անգամ ճանաչվել էր լավագույնը 2021 թվականին: Դոնարուման դարձավ երկրորդ դարպասապահը Էմիլիանո Մարտինեսից հետո, ով երկու անգամ արժանացել է Լև Յաշինի անվան մրցանակին:
Կանանց ֆուտբոլում 2024/25 մրցաշրջանի լավագույն դարպասապահ է ճանաչվել «Չելսիի» խաղացող Հանա Հեմփթոնը:
«Արսենալի» ֆուտբոլիստ Վիկտոր Յոկերեշը նվաճել է Գերդ Մյուլերի անվան մրցանակը: Շվեդ խաղացողը ճանաչվել է 2025 թվականի լավագույն հարձակվող:
Կանանց անվանակարգում հաղթանակ է տարել «Բարսելոնայի» խաղացող Էվա Պայորը:
