Մադրիդի «Ռեալը» կշարունակի բոյկոտել «Ոսկե գնդակի» մրցանակաբաշխությունը, հայտնում է The Athletic-ը։
«Ռեալի» պատվիրակությունն այս տարի նույնպես ներկա չի լինի Փարիզի «Շատլե» թատրոնում կայանալիք միջոցառմանը։
Ակումբի մամուլի ծառայությունը սոցիալական բոլոր հարթակներում մինչև այժմ ոչ մի ձև չի անդրադարձել «Ոսկե գնդակին»։
«Ռեալը» նախորդ տարի նույնպես բաց էր թողել մրցանակաբաշխությունը։ Մադրիդյան թիմի ներկայացուցիչները վերջին պահին իմացել էին, որ Վինիսիուսի փոխարեն մրցանակին արժանացել է «Մանչեսթեր Սիթիի» կիսապաշտպան Ռոդրին։
