Խորվաթիայի մայրաքաղաք Զագրեբում ընթացող հունահռոմեական ոճի ըմբշամարտի աշխարհի առաջնությունում Հայաստանի հավաքականի անդամ Հրաչյա Պողոսյանը (60կգ) հաղթեց Սերբիայի ներկայացուցիչ Գեորգի Տիբիլովին և դարձավ բրոնզե մեդալակիր։ Այս մասին հայտնել են Հայաստանի ըմբշամարտի ֆեդերացիայից:
Սա Պողոսյանի առաջին մեդալն է Աշխարհի առաջնությունում. նախկինում նա երկու անգամ զբաղեցրել էր հինգերորդ տեղը՝ ընդամենը մեկ քայլ հեռու մեդալից։
Ավելի վաղ Euromedia24.com-ը հայտնել էր, որ ըմբշամարտի աշխարհի առաջնությունում Հայաստանի հավաքականի անդամ, Օլիմպիական խաղերի բրոնզե մեդալակիր Մալխաս Ամոյանը 77 կգ քաշային կարգի եզրափակչում 10:1 հաշվով հաղթել է ՕԽ գործող չեմպիոն, ճապոնացի Նաո Կուսակային և նվաճեց իր 2-րդ չեմպիոնական տիտղոսը:
