Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը աջակցում է Լիբիայի իշխանությունների հետ երկխոսությանը և ցանկանում է պաշտպանել իր ինքնիշխանությունն ու քաղաքական միասնությունը։ Այս մասին նա լրագրողներին ասել է Կատարից վերադառնալուց հետո։
«Սադամ Հաֆթարը` Լիբիայի ազգային բանակի հրամանատար Խալիֆա Հաֆթարի որդին, կապ է պահպանում մեր հետախուզության հետ և պարբերաբար կապ է հաստատում նաև Արտաքին գործերի նախարարության հետ։ Այլ կերպ ասած՝ նրանք մեզանից մեկուսացված չեն։
«Մենք կարծում ենք, որ Լիբիայում անհրաժեշտ է Արևելքի և Արևմուտքի միջև կառուցողական երկխոսություն հաստատել։ Մենք ցանկանում ենք պաշտպանել Լիբիայի ինքնիշխանությունը, տարածքային ամբողջականությունը և քաղաքական միասնությունը», - Էրդողանի խոսքերն է մեջբերում «Անադոլու» գործակալությունը։
Թուրքիայի առաջնորդը նշել է, որ Անկարան «սկզբից ի վեր աջակցել է Տրիպոլիի օրինական կառավարությանը»։ «Այնուամենայնիվ, վերջերս քաղաքականությունը նպատակ ունի դիվանագիտական ուղիներ բացել ոչ միայն Տրիպոլիի, այլև Լիբիայի արևելյան մասի հետ։ Մենք ակնկալում ենք, որ Լիբիայում քաղաքական գործընթացը կզարգանա արդար և թափանցիկ ընտրությունների միջոցով»։
