ԱՄՆ նախագահ Դոնալդ Թրամփը սեպտեմբերի 12-ին հանդիպել է Կատարի վարչապետ և արտաքին գործերի նախարար Մուհամմեդ բին Աբդուլ Ռահման ալ Թանիի հետ, լրագրողներին հայտնել է Սպիտակ տան խոսնակը՝ չմանրամասնելով, թե ինչ են քննարկել հանդիպման ժամանակ։
Ինչպես նշվում է ամերիկացի առաջնորդի մամուլի ծառայության հաղորդագրության մեջ. «Սպիտակ տունը հաստատել է, որ նախագահ Թրամփը, ինչպես և նախատեսված էր, ընթրիք է ունեցել Կատարի վարչապետի հետ»։ Այլ մանրամասներ չեն հաղորդվել։
Ավելի վաղ Վաշինգտոնի վարչակազմը հայտարարել էր, որ Թրամփը և նրա խաղաղապահ առաքելությունների գծով հատուկ ներկայացուցիչ Սթիվեն Ուիթքոֆը սեպտեմբերի 12-ին կհանդիպեն Կատարի վարչապետի հետ։
Ամերիկյան Politico թերթը սեպտեմբերի 11-ին հաղորդել էր, որ Կատարի վարչապետը կայցելի Նյու Յորք և Վաշինգտոն և կհանդիպի Թրամփի, Վիտկոֆի, ԱՄՆ փոխնախագահ Ջ.Դ. Վենսի և պետքարտուղար Մարկո Ռուբիոյի հետ: Հրատարակությունը նշել է, որ կողմերը կքննարկեն Դոհային Իսրայելի կողմից հարվածը, ինչպես նաև Գազայի հատվածում ռազմական գործողությունները դադարեցնելու բանակցությունները:
