Քնելուց մեկ-երկու ժամ առաջ տաք ցնցուղը կամ լոգանքը կարող է խթանել մելատոնինի արտադրությունը և զգալիորեն արագացնել քնելը: Այս մասին Vanitatis-ին ասել է իսպանացի սրտաբան Աուրելիո Ռոխասը:
Մասնագետի խոսքով՝ այս մեթոդը հաճախ ավելի արդյունավետ է աշխատում, քան ֆիզիկական ակտիվությունը կամ խիստ դիետան, որոնք հաճախ խորհուրդ են տրվում քնի խնդիրների դեպքում: Միևնույն ժամանակ, երեկոյան ցնցուղը լրացուցիչ առավելություններ է բերում՝ այն բարելավում է գիշերային քնելու որակը:
Մասնագետը հղում է կատարել 2019 թվականին Sleep Medicine Review ամսագրում հրապարակված մետա-վերլուծության արդյունքներին: Գիտական աշխատանքը ցույց է տվել, որ քնելուց մի քանի ժամ առաջ տաք ջրի ազդեցությունը 36%-ով կրճատում է քնելու համար անհրաժեշտ ժամանակը:
Ռոխասը բացատրել է, որ տաք ջրի ազդեցության տակ մաշկի արյան անոթները լայնանում են, և մարմինն ավելի ակտիվորեն անջատում է ավելորդ ջերմությունը: Այս գործընթացը խթանում է մելատոնինի արտադրությունը, որը հորմոն է, որը կարգավորում է ցիրկադային ռիթմերը և օգնում է նվազեցնել սթրեսի հետ կապված կորտիզոլի մակարդակը: Արդյունքում, մարմինն ավելի հեշտությամբ է մտնում քնելու պատրաստության վիճակի:
Մասնագետը հավելեց, որ տաք ցնցուղը նաև երկարացնում է խորը քնի փուլը, որն անհրաժեշտ է հիշողության աշխատանքը համակարգելու և բջիջների վերականգնման համար։
Թարգմանությունը՝ Euromedia24.com-ի
