Մեծ Բրիտանիայի արքայազն Հարրին ժամանել է Կիև։ Այս մասին հաղորդում է The Guardian-ը։
Նա կհանդիպի Ուկրաինայի վարչապետ Յուլիա Սվիրիդենկոյի հետ։ Այցելության ընթացքում արքայազն Հարրին և նրա կողմից հիմնադրված Invictus Games հիմնադրամի թիմը նախատեսում են քննարկել Ուկրաինայի զինված ուժերի վիրավոր զինծառայողների վերականգնմանը նպաստող նախաձեռնությունները։
Այս տարվա ապրիլին Մեծ Բրիտանիայի թագավոր Չարլզ III-ի կրտսեր որդին այցելել է Ուկրաինայի արևմուտքում գտնվող Լվովի մարզի հիվանդանոցներից մեկը։
Արքայազն Հարրին և նրա ամերիկացի կինը՝ Մեգան Մարքլը, 2020 թվականի հունվարին որոշեցին հրաժարվել բրիտանական թագավորական ընտանիքի ավագ անդամների պաշտոններից։ Նրանք կորցրեցին միապետին պաշտոնապես ներկայացնելու, այլ արարողակարգային պարտականություններ կատարելու և Նորին Մեծությունների տիտղոսն օգտագործելու հնարավորությունից։
