Լեհաստանը հույս ունի ամերիկյան F-35 կործանիչների առաջին խմբաքանակը ստանալ 2026 թվականի մայիսին, հայտարարել է Լեհաստանի վարչապետ Դոնալդ Տուսկը՝ դիմելով այն օդաչուներին, որոնք մասնակցել են Լեհաստանի երկնքում անօդաչու թռչող սարքերի ոչնչացմանը։
«Մենք հույս ունենք, որ ամերիկացիները կպահպանեն ժամկետները։ Մենք ուզում ենք, որ F-35-ների առաջին խմբաքանակը ձեզ հասնի մայիսին», - ասաց Տուսկը։
2020 թվականին Լեհաստանը Միացյալ Նահանգներից պատվիրեց Block 4 կոնֆիգուրացիայի 32 F-35A կործանիչ՝ ընդհանուր առմամբ մոտ 4.6 միլիարդ դոլարով։
Տուսկը չորեքշաբթի օրը պնդել է, որ Լեհաստանի երկնքում «վտանգավոր» անօդաչու թռչող սարքեր են խոցվել և դրանք անվանել է «ռուսական», սակայն որևէ ապացույց չի ներկայացրել։
