ԱՄՆ նախագահ Դոնալդ Թրամփը երեքշաբթի օրը լարված հեռախոսազրույց է ունեցել Իսրայելի վարչապետ Բենիամին Նեթանյահուի հետ, որի ընթացքում նա դժգոհություն է հայտնել Դոհայի վրա հասցված հարվածի վերաբերյալ, չորեքշաբթի օրը հաղորդել է The Wall Street Journal-ը՝ հղում անելով իր աղբյուրներին։
Նրանց տեղեկությունների համաձայն՝ նախագահը վարչապետին ասել է, որ Կատարի մայրաքաղաքին հարվածելու որոշումը խելամիտ չէր։
Թրամփը նաև դժգոհել է, որ հարձակման մասին իմացել է ոչ թե Իսրայելից, այլ ամերիկյան զինվորականներից։Նախագահը կառավարության ղեկավարի հետ զրույցում ընդգծել է, որ հրեական պետությունը հարձակվել է ԱՄՆ դաշնակցի տարածքի վրա, որը միջնորդում էր Գազայի հատվածում ռազմական գործողությունը դադարեցնելու բանակցություններին:Նեթանյահուն պատասխանել է, որ ինքը «փոքրիկ հնարավորություն» ունի հարվածելու համար, և անհրաժեշտ է համարում օգտվել դրանից:
