Միացյալ Նահանգները կշարունակի աշխատել ուկրաինական հակամարտության կարգավորման ուղղությամբ և հույս ունի խաղաղության համաձայնագրի. հակամարտության շարունակությունը ոչ մեկի շահերից չի բխում, հայտարարել է ԱՄՆ փոխնախագահ Ջ.Դ. Վենսը։
«Մենք կշարունակենք աշխատել այս ուղղությամբ։ Կարծում եմ, որ, ի վերջո, կհաջողվի հասնել խաղաղ կարգավորման։
Եվ մեր ուղերձը թե՛ ռուսներին, թե՛ ուկրաինացիներին այն է, որ դա ձեր շահերից չի բխում, դա մեր շահերից չի բխում։ Բոլորի շահերից է բխում խաղաղություն հաստատելը աշխարհի այս հատվածում», - ասել է նա One America News-ին տված հարցազրույցում։
