Իսրայելի կողմից Դոհայում պաղեստինյան արմատական շարժման՝ ՀԱՄԱՍ-ի քաղաքական բյուրոյի անդամների վրա հարձակումը տարածաշրջանում հակամարտության սրման սպառնալիք է ստեղծում, հայտարարել է Կանադայի վարչապետ Մարկ Քարնին։
«Կանադան դատապարտում է Իսրայելի կողմից Կատարի վրա հարվածները. դրանք ներկայացնում են բռնության անընդունելի սրացում և հարձակում Կատարի ինքնիշխանության վրա:
Նման հարվածները, անկախ իրենց մտադրությունից, լուրջ ռիսկ են ներկայացնում տարածաշրջանում հակամարտության սրման համար», – գրել է կառավարության ղեկավարը X-ում և հավելել, որ այդ հարվածները ուղղակիորեն սպառնում են խաղաղություն և անվտանգություն ապահովելու, բոլոր պատանդների ազատ արձակման և երկարատև հրադադարի ապահովման ջանքերին, որոնցում Կատարի շեյխ Թամիմ բին Համադ ալ Թանին շատ կառուցողական դեր է խաղացել։
