Ուկրաինայում լեհական զորքերի ներկայության անհրաժեշտություն չկա։ Այս մասին լրագրողներին հայտարարել է Լեհաստանի նախագահ Կարոլ Նավրոցկին Հելսինկիում իր ֆին գործընկեր Ալեքսանդր Ստուբի հետ բանակցություններից հետո։
«Իմ տեսանկյունից, լեհական բանակի ներկայությունը Ուկրաինայում բացառվում է, դրա կարիքը չկա: Ես չեմ պատրաստվում համաձայնություն տալ լեհական զորքեր ուղարկել Ուկրաինա», - նշել է Նավրոցկին TVP Info-ի կողմից հեռարձակված մամուլի ասուլիսում:
Լեհաստանի առաջնորդը շեշտել է, որ Ուկրաինայի դաշնակիցներից դեռևս որևէ «կոնկրետ հայտարարություն» չի եղել այնտեղ զորքեր ուղարկելու վերաբերյալ։
Նավրոցկիի խոսքով՝ նախևառաջ, եթե խոսքը դրա մասին է, Ուկրաինա պետք է ուղարկվեն ՆԱՏՕ-ի այլ անդամ երկրների զինծառայողներ, այլ ոչ թե նրա արևելյան թևում գտնվող պետություններից։
Միաժամանակ, Լեհաստանի նախագահը վստահեցրել է, որ Վարշավան կշարունակի աջակցություն ցուցաբերել Կիևին «առաջիկա ամիսներին և տարիներին, մինչև երկարաժամկետ խաղաղության հասնելը»։
