Ստևիայի քաղվածքը, որը մշակվել է կաթնաթթվային մանրէներով, կարող է ոչնչացնել ենթաստամոքսային գեղձի քաղցկեղի բջիջները՝ թողնելով առողջ բջիջները գործնականում անձեռնմխելի։ Այս եզրակացությանն են հանգել Հիրոսիմայի համալսարանի գիտնականները։ Ուսումնասիրության արդյունքները հրապարակվել են «Մոլեկուլային գիտությունների միջազգային հանդեսում» (IJMS):
Հետազոտողները օգտագործել են Lactobacillus plantarum SN13T բակտերիալ շտամը՝ ստևիայի տերևի քաղվածքը (FSLE) խմորելու համար։ Լաբորատոր փորձարկումների ժամանակ խտացված նյութը զգալիորեն խոչընդոտել է ենթաստամոքսային գեղձի քաղցկեղի բջիջների աճը (PANC-1 գիծ), քան սովորական քաղվածքը։ Այս մշակումը նաև ապացուցել է, որ ցածր թունավոր է առողջ մարդու երիկամների բջիջների համար (HEK-293 գիծ)։
Հիմնական հակաուռուցքային միացությունը քլորոգենաթթվի մեթիլեթերն էր (CAME): Դրա կոնցենտրացիան մեծացել է խմորման ընթացքում՝ ուժեղացնելով ստևիայի կենսաբանական ակտիվությունը։
Հեղինակները նշում են, որ ենթաստամոքսային գեղձի քաղցկեղը մնում է ամենաագրեսիվ և դժվար բուժվող քաղցկեղներից մեկը. այս ախտորոշմամբ հիվանդների հինգ տարվա գոյատևման մակարդակը չի գերազանցում 10%-ը։ Այդ պատճառով նոր բնական միացությունների որոնումը հատկապես կարևոր է։
Ուսումնասիրության հաջորդ փուլը կլինի կենդանիների վրա փորձարկումը։ Գիտնականները պլանավորում են պարզել, թե փորձարարական դեղամիջոցի որ դեղաչափերն են ապահովում օպտիմալ թերապևտիկ ազդեցությունը։
Թարգմանությունը՝ Euromedia24.com-ի
