Բելառուսի նախագահ Ալեքսանդր Լուկաշենկոն իր և հայրենակիցների անունից շնորհավորել է Հյուսիսային Կորեայի առաջնորդ Կիմ Չեն Ընին Կորեայի Ժողովրդա-Դեմոկրատական Հանրապետության հիմնադրման օրվա առթիվ և հաստատել է իր պատրաստակամությունը մոտ ապագայում այցելել երկիր՝ միջպետական հարաբերությունները որակապես նոր մակարդակի բարձրացնելու համար։
Շնորհավորանքները հրապարակվել են Բելառուսի նախագահի մամուլի ծառայության կողմից։
«Ջերմությամբ եմ հիշում Պեկինում մեր վերջին հանդիպումը։ Հաստատում եմ իմ պատրաստակամությունը այցելելու ձեր երկիր երկու կողմերի համար էլ ամենահարմար պահին՝ միջպետական հարաբերությունները որակապես նոր մակարդակի բարձրացնելու համար։
Հուսով եմ, որ բելառուս-կորեական հետագա համագործակցությունը և միջազգային կազմակերպություններում մեր համատեղ աշխատանքը օգուտ կբերի երկու ժողովուրդներին և կնպաստի վստահության և փոխըմբռնման աճին», - նշել է Լուկաշենկոն։
