Լեհաստանը ԱՄՆ-ից գնել է F-35 կործանիչների համար նախատեսված ճշգրիտ ռումբեր, հաղորդում է Defence24-ը։
2020 թվականին Լեհաստանը Միացյալ Նահանգներից պատվիրեց Block 4 կոնֆիգուրացիայի 32 F-35A կործանիչ՝ ընդհանուր առմամբ մոտ 4.6 միլիարդ դոլար արժողությամբ։ Մատակարարումները նախատեսվում է ավարտել 2030 թվականին։
«Սպառազինության գործակալությունը միջկառավարական համաձայնագիր է ստորագրել Միացյալ Նահանգների հետ՝ SDB տիպի փոքր չափի կառավարվող ռումբերի մատակարարման վերաբերյալ, հիմնականում լեհական F-35A-ի համար», - ասվում է հայտարարության մեջ։
Հրատարակության տվյալներով՝ պայմանագրի արժեքը կազմում է 120 միլիոն դոլար, իսկ մատակարարումները կիրականացվեն մինչև 2028 թվականը։
Նշվում է, որ F-35-ից բացի, այս ռումբերը կարող են օգտագործվել Լեհաստանի ռազմաօդային ուժերի ծառայության մեջ գտնվող F-16 և FA-50 կործանիչների կողմից։
Լեհաստանի կողմից գնված ռումբերի քանակը չի նշվում, սակայն նշվում է, որ մեկ միավորի արժեքը 2025 թվականին գնահատվում է մոտավորապես 80 հազար դոլար։
