Եթե ոստիկանության ստորաբաժանումը ձերբակալություն է իրականացնում, սա երբեք չի կարող ընկալվել որպես ծածկադմփոց։ Եթե նախարարությունը նպատակ հետապնդեր որևէ դեպք կոծկել, վստահեցնում եմ ՝ ձերբակալման փաստը վրա չէր հասնի։ Այս մասին լրագրողների հետ զրույցում ասաց ՆԳ նախարար Արփինե Սարգսյանը՝ անդրադառնալով ԱՄՆ-ում Հայաստանի արտակարգ և լիազոր դեսպան նշանակված աշխատանքի և սոցիալական հարցերի նախկին նախարար Նարեկ Մկրտչյանի եղբոր՝ Մկրտիչ Մկրտչյանի ձերբակալությանը։«Մենք ունեցել ենք օբյեկտիվ իրավիճակ Փարաքարում։
Վարորդը եղել է մեր գործընկեր Նարեկ Մկրտչյանի եղբայրը։ Վարորդի մոտ չի հայտնաբերվել ոչինչ»,– ասաց նախարարը։ Նա նշեց, որ ուղևորը փախոստի է դիմել և նրա նետած իրերում հայտնաբերվել է նախնական արդյունքներով թմրամիջոցերի նմանվող զանգված և ատրճանակ ․ «Տրամաբանական է, որ այդ իրավիճակում պարեկային ծառայությունը պետք է իրականացներ ձերբակալում։
Ձերբակալումն իրականացվել է, անձին բերման են ենթարկել բաժին, նրա մոտ ոչինչ չի հայտնաբերվել, իսկ մյուս անձի որոնողական աշխատանքների ուղղությամբ իրականացվել են համապատասխան պրոցեսներ։ Այժմ իրականացվում է նախաքննություն։ Այն կտա պատասխանը՝ Նարեկ Մկրտչյանի եղբա»յրն է պայուսակը փոխանցել ընկերոջը, թե դա եղել է ընկերոջինը»,– ասաց Սարգսյանը։Նա նաև վստահեցրեց՝ որևէ նշանակություն չունի, որ տվյալ անձը Նարեկ Մկրտչյանի եղբայրն է։
