Արցախի նախագահ Սամվել Շահրամանյանը Եռաբլուրում լրագրողների հետ զրույցում ասել է, որ դեմ է եղել ԵԱՀԿ Մինսկի խմբի լուծարմանը։
«Մինսկի խմբի գոյության պայմաններում ևս հնարավոր է եղել արցախցիներին բռնի տեղահանել իրենց հայրենիքից ու հուսով ենք՝ կստեղծվեն այլ մեխանիզմներ»,– ասել է նա:
Արձագանքելով Նիկոլ Փաշինյանի գրառման վերաբերյալ հարցին՝ Շահրամանյանը նշել է.
«Չեմ կարող մեկնաբանել Փաշինյանին, բայց մի հարցի կուզեի անդրադառնալ: Արցախի հարցը փակելը, ՄԽ-ի լուծարումը,Արցախն Ադրբեջանի տարածքային ամբողջականության մաս ճանաչելն իրականացվում է ՀՀ քաղաքացու կողմից տրված մանդատի շրջանակներում: Ինքն ասում է՝ եթե դեմ եք այն ամենին, ինչ անում եմ, հեռացրեք ու շարունակեք առանց ինձ:
ՀՀ ցանկացած քաղաքացի կրում է իր բաժին պատասխանատվությունը ու հուսով եմ՝ առաջիկա հնարավորության դեպքում, նկատի ունեմ՝ ընտրությունները, ՀՀ քաղաքացին իր խոսքը կասի ու ըստ դրա՝ մենք, որպես արցախցիներ, ևս կկողմնորոշվենք այս հարցերում»:
ԱՀ նախագահը նաև նշել է՝ «Մեր հայրենիք վերադառնալու հարցը մեր իրավունքն է, և մենք չենք պատրաստվում դրանից հրաժարվել, դա մեզ համար փակ թեմա չէ»:
