Ճապոնիայի վարչապետ Շիգերու Իշիբան հրաժարական չի տա խորհրդարանական ընտրություններում իշխող Լիբերալ-դեմոկրատական կուսակցության (ԼԴԿ) երկրորդ անընդմեջ պարտությունից հետո։ Այս մասին Ճապոնիայի կառավարության ղեկավարը հայտարարել է կիրակի օրը կայացած վերին պալատի ընտրություններից հետո տեղի ունեցած մամուլի ասուլիսում, որոնցում իշխող դաշինքը կորցրել է մեծամասնությունը։
2024 թվականի աշնանը ԼԴԿ-ի և Կոմեյտո կուսակցության իշխող կոալիցիան արդեն կորցրել էր իր մեծամասնությունը խորհրդարանի ստորին պալատում, սակայն ընդդիմության անհամաձայնությունների շնորհիվ կարողացավ ձևավորել փոքրամասնության կառավարություն և մնալ իշխանության գլուխ։
«Ճապոնացի ժողովուրդը մեզ խիստ դատավճիռ է տվել, որից մենք պետք է լուրջ դասեր քաղենք», - ասել է Իշիբան, որից հետո ներողություն խնդրել ընտրություններում պարտության համար։
