Կատարական կողմը միշտ ողջունում է ԱՄՆ նախագահի հատուկ դեսպանորդ Սթիվեն Ուիթքոֆի այցը Դոհա, սակայն Գազայի հատվածի վերաբերյալ խորհրդակցություններին մասնակցելու նրա այցի ամսաթիվը դեռևս որոշված չէ, հայտարարել է Կատարի վարչապետի խորհրդական, արտաքին գործերի նախարարության պաշտոնական խոսնակ Մաջիդ բին Մոհամմեդ ալ-Անսարին։
«Հատուկ դեսպանորդ Ուիթքոֆը միշտ ցանկալի հյուր է Դոհայում, բայց մենք կոնկրետ ժամկետներ չունենք», - ասել է Կատարի արտաքին գործերի նախարարության ներկայացուցիչը՝ պատասխանելով ՏԱՍՍ-ի թղթակցի հարցին այն մասին, թե արդյոք մոտ ապագայում նախատեսվում է ԱՄՆ նախագահի հատուկ ներկայացուցչի այցը Կատար։
