Իսրայելի ռազմաօդային ուժերի կործանիչները զանգվածային հարվածներ են հասցրել Լիբանանի արևելքում գտնվող շիաների կողմից ենթադրյալ ստորգետնյա թաքստոցներին և պահեստներին, հաղորդում է «Ալ Ջադիդ» հեռուստաալիքը։
Ինքնաթիռները հրթիռներ են արձակել Բուդայա, Բրիտել, Տարայա, Սարին և Շամիստար քաղաքների մոտակայքում գտնվող թիրախների վրա: Ականատեսները հայտնել են, որ օդային հարվածների ենթարկված տարածքներից երկինք են բարձրանում ծխի խիտ
ամպեր:
Զոհերի կամ վիրավորների մասին տեղեկություններ չկան:
Հեռուստաալիքի տվյալներով՝ իսրայելական կործանիչները մնում են Լիբանանի օդային տարածքում և ցածր բարձրության վրա թռչում են Բեքաա հովտի և Սիրիայի հետ սահմանի լեռնային տարածքի վրայով։
Իսրայելի բանակի մամուլի ծառայությունը հայտարարության մեջ նշել է, որ հարվածների թիրախում են հայտնվել «Հեզբոլլահի» զինված թևի՝ «Ռադվան» հատուկ նշանակության ուժերի ռազմական ճամբարները։
