Հնդկաստանի և Չինաստանի միջև հարաբերությունները շարունակում են կայուն կերպով բարելավվել, հայտարարել է Հնդկաստանի արտաքին գործերի նախարար Սուբրամանյամ Ջայշանկարը Պեկինում Չինաստանի փոխնախագահ Հան Չժենի հետ հանդիպման ժամանակ։
«Մեր երկկողմ հարաբերությունները կայուն կերպով բարելավվում են (Հնդկաստանի) վարչապետ Նարենդրա Մոդիի և Չինաստանի նախագահ Սի Ծինփինի միջև անցյալ տարվա հոկտեմբերին Կազանում կայացած հանդիպումից ի վեր։ Մեր հարաբերությունների հետագա կարգավորումը կարող է հանգեցնել փոխշահավետ արդյունքների», - ասել է Հնդկաստանի արտաքին գործերի նախարարը, որը հինգ տարվա ընթացքում առաջին անգամ է այցելում Չինաստան։
Ջայշանկարը նաև նշել է, որ աշխարհում ներկայիս միջազգային իրավիճակը շատ դժվար է։
«Հնդկաստանի և Չինաստանի՝ որպես հարևան երկրների և խոշոր տնտեսությունների միջև կարծիքների և տեսակետների բաց փոխանակումը շատ կարևոր է», - ասել է նա։
