ԱՄՆ նախագահ Դոնալդ Թրամփը քննարկում է Կիևին հարյուր միլիոնավոր դոլարների արժողությամբ նոր ռազմական օգնության փաթեթ տրամադրելու հարցը, հաղորդում է Politico-ն՝ հղում անելով տեղեկացված աղբյուրներին։
Գումարը կտրամադրվի ԱՄՆ Կոնգրեսի կողմից անցյալ տարի նախագահ Ջո Բայդենի օրոք հաստատված հիմնադրամից, որը «թույլ է տալիս Պենտագոնին դուրս բերել զենքը ԱՄՆ ռազմական պաշարներից Ուկրաինայի համար», – ասվում է հաղորդագրության մեջ:Հրատարակությունը հիշեցնում է, որ հիմնադրամում «դեռևս պահվում է մոտ 3,8 միլիարդ դոլար»:
Թերթը գրում է, որ Ուկրաինային տրամադրվող օգնության փաթեթը, որը կասեցվել էր այս ամսվա սկզբին, ներառում էր «30 Patriot զենիթային հրթիռներ և հարյուրավոր ճշգրիտ զենքեր, որոնք Ուկրաինան օգտագործում է հարձակողական և պաշտպանական նպատակներով»։
