ԱՄՆ Տեխաս նահանգում գտնվող «Միստիկ» մանկական ամառային ճամբարի վարչակազմը հայտնել է տարածաշրջանում տեղի ունեցած ջրհեղեղների հետևանքով 27 մարդու, այդ թվում՝ երեխաների և խորհրդատուների մահվան մասին։
«Քեմփ Միստիկը սգում է Տեխասում Գվադալուպե գետի աղետալի ջրհեղեղի հետևանքով 27 ճամբարականների և խորհրդատուների կորուստը», - ասվում է ճամբարի կայքում։
Հայտարարության մեջ հավելվում է, որ վարչակազմը կապի մեջ է իշխանությունների հետ, որոնք անընդհատ ռեսուրսներ են տեղակայում ճամբարից անհետ կորածներին որոնելու համար։
Ավելի վաղ CNN-ը, հղում անելով տեղական իշխանություններին, հայտնել էր, որ ԱՄՆ Տեխաս նահանգում ջրհեղեղների հետևանքով զոհերի թիվը հասել է առնվազն 80-ի։
