BRICS երկրները զարգացնում են ինտեգրացիան և խրախուսում համերաշխությունը՝ որպես պատերազմների և անտարբերության հակակշիռ, իսկ Ռիո դե Ժանեյրոյում կայանալիք գագաթնաժողովը կօգնի գտնել գլոբալ ճգնաժամերի լուծումներ, հայտարարել է Բրազիլիայի նախագահ Լուիս Ինասիո Լուլա դա Սիլվան։
«Պատերազմներից քայքայված աշխարհում բարգավաճում չի լինի: Պատնեշների փոխարեն մենք խթանում ենք ինտեգրացիան։ Անտարբերության փոխարեն մենք կառուցում ենք համերաշխություն», – ասել է Լուլան՝ ելույթ ունենալով Ռիո դե Ժանեյրոյում կայանալիք BRICS բիզնես ֆորումում։
Նախագահը շեշտել է, որ հակամարտություններին և բախումներին վերջ դնելու խնդիրը «մեծ պատասխանատվություն» է, որը դրված է պետական գործիչների և կառավարությունների ուսերին։
«Ակնհայտ է, որ առաջնորդության վակուումը սրում է մեր հասարակությունների կրած տառապանքները։ Ես համոզված եմ, որ այս ֆորումը և BRICS-ի առաջիկա գագաթնաժողովը լուծումներ կբերեն», – հավելել է Լուլան։
